Tallow Maxay Ugu Diideen?!!!

W/Q: Daa'uud Galaydh

Sh. Mukhtaar Roobow (Abuu Maansuur) shalay ayuu ka baxay magaalada Muqdisho, iyadoo Dawlada iyo Caalamkuba ka war hayaan inuu isu soo taagi doono tartanka Madaxwaynimo ee maamulka Koofur Galbeed, waxaana baahiyay Musharaxnimadiisa Warbaahinta qaranka sida SNTV.

Sidoo kale, dhawr kii bilood ee udambeeyay waxaa socday dhaqdhaqaaqa iyo ololaha Musharaxnimadiisa, isagoo kulamo la qaatay Madaxdda sar sare ee xukuumada iyo gudoomiyaha Baarlamaanka.

Tallow maxay markaa uga hoor istaagi waayeen?!!!


Dawldda Federaalka ah ayaa hada ka hor sheegtay in Abuu Maansuur uusan wax dambi ah lahayn, sidoo kale waxay sheegeen in laga qaaday dhamaan xayiraadihii iyo cunaqabatayntii saarnayd. Dastuurka dalka iyo kan Koofur Galbeedna waxaa ku qoran qofkii buuxiya shuruudaha muwaaddinka laga rabo, oo aan lahayn  wax dambi maxkamad xukuntay, wuu is sharxi karaa, iyadoo aysan ku qornayn wax heshiis caalam ah.

Tallow hadaa maxay ugu diideen?!!!

Sida ku cad warqad maanta ka soo baxday Wasaarada Amniga ee dalka, wali waxaa jira cunaqabtayno iyo xayiraado beesha caalamku saartay Abuu Maansuur oo ay shuruudo ku xidhnaayeen. Sidaa darteed, iyadoo Dawaladda Federaalka ah tixgalinaysa hishiisyada ay la gashay beesha caalamka ee ku aadan la dagaalanka Argagixisada, waxay cadaynaysaa in aanu Mukhtaar Roobow (Abuu Maansuur) buuxin, fulina dhamaan shuruudihii lagaga qaadi lahaa cunaqabtayntii iyo xayiraadihii ay saareen Beesha Caalamku, walina ay sideedii u saaran yihiin. Sidaa awgeedna, uusan uu tartami karin jagada Madaxwaynanimo ee maamulka Koofur Galbeed.

Tallow dalkaan ma dal madax bannaan baa oo Dastuur leh, mise waa maamul beesha caalamka hoos taga?!!!

W/Q: Daa'uud Galaydh

 Email: Daauudgalaydh@gmail.com

 Facebook: Galaydh Da'ud Galaydh

Twitter: Daa'uud Galaydh

Comments

Post a Comment

Popular posts from this blog

Taariikhda Madaxwaynihii ugu horeeyay ee Soomaaliya Mudane Aadan Cabdule Cismaan "Aadan Cade":

Image
W/Q: Daa'uud Galaydh Aadan Cabdulle Cusmaan (Aadan Cadde) waa Madaxweynihii ugu horeeyay ee Soomaaliya, isagoo Madaxweynaha Soomaaliya ahaa intii u dhaxeysay 1960-1967-kii. Aadan Cadde waxaa uu ku dhashey magaalada Beledweyne sanadkii 1908-dii, Wuxuu waxbarashadiisii dugsiyada Qur'aanka, dugsiyada hoose iyo waxbarasho heer saraba ku qaatay magaalada Muqdisho, wuxuuna wax ka bartay maamulka iyo dowladnimada. Wuxuu sameyay dhaqdhaqaaq ganacsi intii uusan ku biirin ka hor xisbigii Leegada ee SYL bishii Febraayo sanadkii 1944-tii. Sanadkii 1946-dii, wuxuu ka mid noqday xubnihii maamulka ee xisbigaas, waxaa loo doortay in uu noqdo xoghayaha xisbiga ee degmada Beledweyne. Wuxuu sanadkii 1951-dii noqday maamulihii gobolka Mudug, halkaas oo uu wakiil buuxdana uga ahaa xisbigii Leegada illaa laga soo gaaro sanadkii 1953-dii. Sanadkii 1953-dii waxaa Gumaysigii Talyaanigu u xushay in uu noqdo ku xigeenka maamulkii maxmiyadda ee loo yaqaanay Territorial Council, sidoo kale 1954-...
Read more

KAFTAN: SABABTA UU NINKU MARKA UU GABADH AMMAANAYO UGU TILMAAMO DAYAXA EE AANU QORRAX UGU SHEEGIN:

Image
Nin ka mid ah dadka hadalka dhadhansada, ee u fiirsada dhinacyadiisa taban iyo togan, iyo weliba macnayaasha mararka qaarkood uu ereygu bixin karo iyada oo aan loola jeedin, ayaa mar la weydiiyey sababta uu ninku inta badan quruxda iyo ammaanta gabadha uu jecelyahay, uu ugu soo tusaale qaato dayaxa iyada oo aynu ognahay in qorraxdu ka ilays iyo qurux badan tahay? Ninkan oo sida muuqata aanu kaftan ka madhnayn ayaa isbarbar dhig ku samaynaya dayaxa iyo qorraxda balse dhanka taban ka eegaya sababta ay raggu dayaxa ku doorteen. Waxa aanu ku doodayaa in ragga xitaa haddii uu jacaylhayo haddana ay ku badan tahay munaafaqnimada dhinaca dumarka iyo in aanay si niyad ah u ammaanin, sababtaas awgeedna ay dayaxa ku doortaan, waxaanu isu barbar dhigay sidan: 1. DAYAXU WAA KHAAYIN IYO BEENAALE: Ilays aanu lahayn oo ka qorraxda ah ayaa uu soo qaataa, markaasuu sida muraayadda innagu soo celiyaa, isaga oo iska dhigaya in uu ilayskiisii yahay.. halka qorraxdu ay daacadnimada ka gaadhay inta ay...
Read more